نظام السوبر سيت supersets

supersets نظام السوبر سيت هو عبارة عن القيام بتمرينين بدون راحة بينهم 

ممكن تعمل التمرينين لعضلة واحدة مثلا عضلة الباى تلعب تبادل بالدامبلز يليه مباشره كابل زوجى للباى او تبادل على دكة البنش العالى يليه بار زجزاج واقف
ممكن يكون اسلوب مركب زى الـ ( Pre – Exhausting ) وهنا انته بتمرن عضلة واحده وبتكون حاطط ده فى اعتبارك مثلا تمرين لعزل البنش وده بلعب التفتيح بالدامبلز بعده مباشرة تلعب ضغط بالبار للبنش
ممكن يكون اسلوب مجموعات متضاده وهو ده بقى اقوى شكل فى النظام ده بمعنى انك مثلا تلعب بار زجزاج واقف لتمرين الباى يليه مباشرة ضغط بالمسطرة لاسفل لتمرين التراى وطبعا اثناء لعب عضلة من العضلتين المتضادتين هتكون دى فترة استشفاء للعضلة الاخرى المضادة   

بيساعد على زياده قوة تحمل العضلتين معا
بالنسبة لتمرين الذراع النظام ده بيكون امثل وليه ميزة كبيرة جدا خصوصا الناس اللى بتعانى من صغر حجم الذراع لان التمرين بالشكل ده بيضمن حفظ ضغط الدم لوقت اكبر من العادى فى الجزء العلوى من الذراع ومش محتاج اقول فائده ده ايه لان الدم بينقل اكسجين ومغذيات  الخ اوك يا شباب
ممكن تطبق الاسلوب المضاد بين عضلتين احدهم فى الجزء العلوى من الجسم والاخرى فى الجزء السفلى لكن تكون عضلة كبيرة زى البنش مع عضلة صغيرة زى السمانة واضح مش تمرن بنش من فوق وامامية رجل من تحت كده تبقى عكيت الدنيا واضح يا شباب عضلة كبيرة بنش وعضلة صغيرة سمانة على سبيل المثال يعنى مش هقولها تانى تمام
ممكن تطبق برده الاسلوب ده بنظام عدات متبادلة بين تمرينين مختلفين لنفس العضلة وبنفس الوزن واحدهم لعزل العضلة والاخرلتشغيل العضلة بصورة اساسية !!!!! مش فاهمين حاجة !!! طيب هتعمل ايه ؟؟ بتلعب مثلا بنش اختار وزن دنابل مناسب وليكن 30 كيلو وهتجيب تكرارات معينة وليكن 12 تكرار لكن هيكون تكرار ضغط وتكرار تفتيح وهكذا لحد ما تخلص الـ 12 تكرار وهكذا

ما تعملش تمرين السوبر ست للعضلة اللى تكون مساعده للعضلات الاخرى اولا بمعنى بلاش تلعب ضغط بالمسطرة لاسفل لتمرين التراى يليها ضغط البنش بالبار لا المفروض تلعب العضلة الاساسية اللى انته عايز تمرنها الاول يعنى تمرين الضغط بالبار للبنش اولا ثم الضغط لاسفل بالمسطرة لانه بيشغل البنش الخارجى معاه واللى انته عشان تمرنه بتلعب بنش مقلوب او متوازى
اما بالنسبة للكتف والتراى فلازم تلعب الاول الضغط بالمسطرة لاسفل لان عضلة الكتف بتكون مساعدة ايضا بشكل كبير فى التمرين ده وبعد كده تلعب الضغط الجانبى للكتف طب اشمعنى هنا العكس ؟ لان عضلة الكتف قوة تحملها اكبر من التراى وفى تمرين الكتف بتكون عضلة الكتف هى شغالة لوحدها تقريبا والتراى بتكون مساعدة بشكل بسيط !!!! ايه العك ده ؟ اقولك على حاجة سيبك من تمرين التراى مع الكتف اتمرن التراى مع البنش افضل اوك
المجموعات السوبر(السوبر سيت أو المجموعات الخارقة):

تقنية ممتازة لكل المبتدئين و المتقدمين في كمال الاجسام تعود إلى مخترعها جو وايدر البطل العالمي المعروف

تقوم هذه التقنية على تأدية المجموعات لعضلتين متقابلتين مثل الباي و التراي أو الرجل الأمامي و الخلفي

طريقة تأدية السوبر سيت
تقوم على أداء مجموعتين متتاليتين لعضلتين متقابلتين كما تم ذكره من قبل فوراً دون راحة